විදෙස් පුවත්
ඉන්දීය නාවික ශිෂ්යභටයෙකු ශ්රී ලංකාවට ඔබ්බෙන් මුහුදේ අතුරුදන්වෙයි
ඉන්දීාවේ ඩෙහඩූන් නගරයේ පදිංචි 22 හැවිරිදි වෙළෙඳ නාවික ශිෂ්යභටයෙකු ශ්රී ලංකාවට ආසන්න මුහුදේදී අතුරුදන්වී ඇති බව ඔහුගේ පවුලේ සාමාජිකයෝ තහවුරු කර තිබේ.
අතුරුදන් වූයේ කරන්දීප් සිං රානා නමැති තරුණයා වන අතර, ඔහු තෙල් ප්රවාහන නෞකාවක සේවය කරමින් සිටියදී සැප්තැම්බර් 20 වන දින අතුරුදන් වී ඇත. එම නෞකාව ඉරාකයෙන් පිටත්ව චීනය බලා ගමන් කරමින් සිටියදී ශ්රී ලංකාව හරහා ගමන් කර තිබුණි.
කරන්දීප්ගේ පියා නරේන්ද්ර සිං රානා මහතා පවසන්නේ, ඔහුගේ පුත්රයා පසුගිය අගෝස්තු 18 දින ඩෙහඩූන් සිට පිටත්ව සිංගප්පූරුවට ගොස් එතැන් සිට ඉරාකය බලා යාත්රා කළ නෞකාවට එක්වූ බවය. පසුව එම නෞකාව ශ්රී ලංකාව හරහා චීනය බලා ගමන් ආරම්භ කළ බවද ඔහු පැවසීය.
නරේන්ද්ර රානා මහතා පීටීආයි පුවත් සේවයට පැවසූයේ:
“සැප්තැම්බර් 20 දින රාත්රී 9.30ට ‘එක්සිකියුටිව් ෂිප් මැනේජ්මන්ට්’ (ESM) සමාගමේ මුම්බායි කාර්යාලයෙන් අපට දැනුම් දුන්නේ පුළුල් සෝදිසි මෙහෙයුම් සිදු කළද කරන්දීප් සොයා ගැනීමට නොහැකි වූ බවයි. එදින දහවල් අපි ඔහු සමඟ කතා කළ නිසා ඔහු හොඳින් සිටියේය, ඒ නිසා මේ පුවත අපට දැඩි කම්පනයක් වුණා.”
සමාගමේ නිලධාරීන් පවුලට පවසා ඇත්තේ, කරන්දීප් තනිවම නැවේ තට්ටුවට ගිය බවත්, එතැන්පසුව ඔහුව නැවත දැකගත නොහැකි වූ බවත්ය.
මෙම පුවත ලැබුණු වහාම, පවුලේ අය ඉන්දීය ප්රධාන අමාත්ය, ප්රාන්ත රාජ්ය නිලධාරීන් සහ විදේශ කටයුතු අමාත්යාංශය වෙත ඔහුගේ සොයාගැනීම සඳහා සහාය ඉල්ලා සිටිති.
නරේන්ද්ර රානා මහතා සඳහන් කළේ, ඔහු සෙනසුරාදා උත්තරාඛන්ඩ් ප්රධාන අමාත්ය පුෂ්කර් සිං ධාමි මහතා හමුවී සෝදිසි මෙහෙයුම්වල සහාය ඉල්ලූ බවයි.
වෙළෙඳ නාවික හමුදාවට බැඳීමට දිගු කාලයක් බලාපොරොත්තු වී සිටි කරන්දීප් සිං රානා, ඉදිරියේදී තෙවන නිලධාරියා ලෙස උසස්වීමක් ලබා ගැනීමට නියමිතව තිබූ බවද පවුල පැවසීය.