විදෙස් පුවත්
මැඩගස්කරයේ ජනාධිපති රාජොඑලිනා රටින් පැන යයි
මැඩගස්කරයේ තරුණ පරම්පරාවක් (Gen-Z) විසින් ගෙන ආ මහජන විරෝධතා සහ ජන අරගලයකින් පසු, ජනාධිපති ඇන්ඩ්රි රාජොඑලිනා රටෙන් පිටවී ඇති අතර, රටේ බලය CAPSAT හමුදා ඒකකය භාර ගෙන ඇත.
කර්නල් මයිකල් රැන්ඩ්රිනිරිනා නායකත්වය දෙන CAPSAT, පාර්ලිමේන්තුව, සෙනට්, ආණ්ඩුක්රම ව්යවස්ථා අධිකරණය සහ මැතිවරණ කොමිසම ඇතුළු සියලුම ආයතන අත්හිටුවා ඇත. නමුත්, ඉදිරි මාස 18–24 තුළ මැතිවරණයක් පැවැත්වීමෙන් සිවිල් ආණ්ඩුවක් පිහිටුවන බවට පොරොන්දු වී ඇත.
ජනාධිපති රාජොඑලිනාගේ වර්තමාන ස්ථානය පිළිබඳව නිශ්චිත තොරතුරු නොමැති අතර, ඔහු ප්රංශ ගුවන් යානයකින් රටෙන් පිටවී ඇති බව වාර්තා වේ. CAPSAT නියෝජිතයින් ප්රකාශ කරමින් “මෙහි ජනාධිපතිවරයෙක් නැහැ, ආණ්ඩුවක් නැහැ… කිසිවක් ක්රියාත්මක වෙන්නේ නැහැ” යැයි පවසා ඇත.
මෙම පෙරළියට පසුබිම් වූයේ, සති කිහිපයකට පුරා රට පුරා පැවති විරෝධතා මාලාවකි. මුලින් ජල හා විදුලි කප්පාදුවට එරෙහිව ආරම්භ වූ විරෝධතා, පසුව ජීවන වියදම, දූෂණය සහ ආර්ථික අර්බුදයන් සම්බන්ධයෙන් ජනතාවගේ ගැටලු පෙරට ගෙන ආ බව වාර්තා වේ.
CAPSAT ඒකකය ජනතාව සමඟ එක්වීමෙන් ජනාධිපති බලයෙන් පහ කිරීමට තීරණාත්මක භූමිකාවක් ඉටු කර ඇති අතර, 2009 වසරේදී ද එම ඒකකය විශේෂ බලය ලබා දීමකට සම්බන්ධ වූ බව ඉතිහාසය පෙන්වයි.