දේශීය පුවත්
දේශබන්දු තෙන්නකෝන් දැඩි ආතතියෙන්!
රක්ෂිත බන්ධනාගාර ගත කෙරුණු සේවය අත්හිටුවා ඇති පොලිස්පති දේශබන්දු තෙන්නකෝන් මහතා අඟුණකොළපැලැස්ස බන්ධනාගාරය තුළ ගත කළ පළමු දිනයේ ආහාර ගැනීම පවා ප්රතික්ෂේප කර ඇතැයි වාර්තා වනවා.
මේ අතර ඔහු දැඩි ලෙස මානසිකව කඩා වැටී ඇති බවත්,කිසිවෙකු සමග කතාබහ නොකර ඇති බවත් සදහන්.
වැලිගම පැලෑන ප්රදේශයේ සිදු වූ වෙඩි ප්රහාරයෙන් පොලිස් නිලධාරියකු මිය යෑමේ සිද්ධියට අදාළව රක්ෂිත බන්ධනාගාර ගතකර සිටින සැකකාර පොලිස්පති දේශබන්දු තෙන්නකෝන් මහතාට ඇප ලබා දෙන ලෙස විත්තියේ නීතිඥවරු කළ ඇප ඉල්ලීමක් ප්රතික්ෂේප කළ මාතර මහේස්ත්රාත් අරුණ බුද්ධදාස මහතා සැකකරු ලබන 03 වැනිදා තෙක් තවදුරටත් රක්ෂිත බන්ධනාගාරගත කිරීමට ඊයේ (20) නියෝග කරනු ලැබුවා.
සැකකරු දැඩි ආරක්ෂාවක් යටතේ බන්ධනාගාරයේ වෙනම ආරක්ෂක ස්ථානයක රඳවා තබන ලෙසටද මහේස්ත්රාත්වරයා බන්ධනාගාරයට නියෝග කර තිබෙනවා.
ඒ අනුව සැකකාර පොලිස්පති දේශබන්දු තෙන්නකෝන් මහතා අප්රේල් 03 වනදා දක්වා දුම්බර සිර මැදිරිය තුල රදවා තබා තිබෙනවා.