දේශීය පුවත්
BYD වාහන රඳවා ගැනීමට එරෙහිව JKCG පෙත්සමක් ඉදිරිපත් කරයි
ශ්රී ලංකාවේ BYD වාහන බලධාරී බෙදාහරින්නා වන ජෝන් කීල්ස් සීජී ඔටෝ (පුද්ගලික) සමාගම, රේගුව භාරයේ රඳවා ඇති වාහන තොගය නිදහස් කරන ලෙස පෙරීදා (10) අධිකරණයට ඉල්ලීම් කර තිබේ.
පෙත්සම්කාර සමාගම වෙනුවෙන් පෙනී සිටි ජනාධිපති නීතිඥ ෆර්සානා ජමීල් මහත්මිය, වාහන නිදහස් කිරීමට ඉල්ලා 2025 සැප්තැම්බර් 19 දින ගොනු කළ අයදුම්පත අධිකරණයට ඉදිරිපත් කළ බව දන්වා ඇත.
ශ්රී ලංකා රේගු අධ්යක්ෂ ජනරාල්වරයා වෙනුවෙන් පෙනී සිටි ජ්යෙෂ්ඨ අතිරේක සොලිසිටර් ජනරාල් සුමති ධර්මවර්ධන මහතා, රේගුව විසින් විමර්ශනයක් ආරම්භ කර ඇති අතර, වාහන රඳවාගෙන සිටිම විමර්ශන පහසුකමක් සපයන බව අධිකරණයට පැවසීය.
අභියාචනාධිකරණයේ විනිසුරු රොහාන්ත අබේසූරිය සහ විනිසුරු ප්රියන්ත ප්රනාන්දු යන මහත්වරුන්ගෙන් සමන්විත මඩුල්ලේදී මෙම නඩුව ඔක්තෝබර් 23 වන දින නැවත පැවැත්වීමට නියමිතය.