දේශීය පුවත්
වතුකම්කරුවන්ගේ දෛනික වැටුප රු. 1,750 දක්වා ඉහළ නැංවීමට ජනාධිපති පොරොන්දු වෙයි
ජනාධිපති අනුර කුමාර දිසානායක මහතා සඳහන් කළේ, 2025 වසර තුළ වතුකම්කරුවන්ගේ දෛනික වැටුප රුපියල් 1,750 දක්වා ඉහළ නැංවීමට ආණ්ඩුව කටයුතු කරන බවයි.
බණ්ඩාරවෙලදී පැවැති කඳුකර මලයගම් ප්රජාවේ නිවාසලාභී 2,000 දෙනාට නිවාස හිමිකම් පත් ප්රදානයේ උත්සවයට එක්වෙමින් ජනාධිපතිවරයා මේ ප්රකාශය කළේය.
ඉන්දීය ආධාරයෙන් ක්රියාත්මක කරන ලද නිවාස 10,000ක් ඉදිකිරීමේ ව්යාපෘතියේ සිව්වැනි අදියර යටතේ, කඳුකර මලයගම් ප්රජාවට නිවාස හිමිකම් පත් ප්රදානය අද පෙරවරුවේ සිදු විය.
ජනාධිපතිවරයා වැඩිදුරටත් කියා සිටියේ, “මෙම මලයගම් ජනප්රජාවට නිවාස හිමිකම ලබා දීම රාජ්ය වගකීමක් වන අතර, දිගු කාලීන ඉල්ලීමක් වන දෛනික රු. 1,750 වැටුප ලබා දීමේ කටයුතු මෙම වසර තුළ අරඹනු ඇත” යනුවෙනි.