දේශීය පුවත්
‘රොටඹ අමිල’ නඩුව අවසන් වූ පසු ශ්රී ලංකාවට භාරදීමට රුසියාව සූදානම්
රුසියානු ආරක්ෂක අංශ භාරයේ සිටින පාතාල අපරාධකරුවෙකු ලෙස සැලකෙන ‘රොටඹ අමිල’ හෙවත් අමිල සම්පත්, ඔහුට එරෙහිව රුසියානු අධිකරණයක විභාගය අවසන් වූ විගස ශ්රී ලංකාවට භාරදීමට නියමිත බව පොලිස් මූලස්ථානයේ උසස් නිලධාරියෙකු පවසයි.
රොටඹ අමිල, ජාත්යන්තර පොලිසිය (Interpol) නිකුත් කළ රතු නිවේදනයකට අනුව, 2025 මාර්තු මස රුසියාවට නීතිවිරෝධී ලෙස ඇතුළු වූ අවස්ථාවේදී අත්අඩංගුවට ගනු ලැබීය. එමගින් ඔහුට එරෙහිව ආගමන විගමන නීති උල්ලංඝනය සම්බන්ධ නඩුවක් මේ වනවිට රුසියානු අධිකරණයක විභාග වේ. මෙම නඩුව නැවත කැඳවනු ලබන්නේ නොවැම්බර් 1 වනදා වන අතර එය අවසන් වූ පසු ඔහුව ශ්රී ලංකාවට භාරදීමට රුසියානු පාර්ශ්වය එකඟ වී ඇතැයි ද වාර්තා වේ.
රොටඹ අමිලට මෙරටදී මාතර, රොටඹ ප්රදේශයේ ව්යාපාරිකයෙකු සහ ඔහුගේ සහායකයෙකුට වෙඩි තැබීමට තැත් කිරීමේ චෝදනා එල්ල වී තිබේ. ඔහු මීට පෙර 2019 දී “මාකඳුරේ මධුෂ්” සමඟ ඩුබායිහිදී අත්අඩංගුවට පත්ව, පසුව ශ්රී ලංකාවට පිටුවහල් කරන ලදී.
ශ්රී ලංකා පොලිසිය සඳහන් කළේ, ඔහුව නැවත මෙරටට ගෙන්වා ගැනීම සඳහා අවශ්ය සියලුම ක්රියාමාර්ග දැනටමත් සූදානම් කර ඇති බවයි.