දේශීය පුවත්
ජනතාවට පොරොන්දු වූ දිව්ය ලෝකය අමතක වී පාලකයන් පමණක් විශේෂ සැප විඳින බව සජිත් ප්රේමදාස මහතා චෝදනා කරයි
පසුගිය මැතිවරණ සමයේ රජය ජනතාවට දුන් පොරොන්දුව අනුව දිව්ය ලෝකයක් ලෙස අනාගතයක් පිළිබඳව කතා කළද, අද එම සැප සම්පත් පාලකයන්ට සහ මැති ඇමතිවරුන්ට පමණක් සීමා වී ඇති බව විපක්ෂ නායක සජිත් ප්රේමදාස මහතා චෝදනා කළේය.
අනුරාධපුර දිස්ත්රික්කයේ තලාව නබඩවැව ශ්රී බෝධිරුක්කාරාම විහාරස්ථානයේ පැවති ජනහමුවකට එක්වෙමින් ඔහු මේ බව සඳහන් කළාය.
ඇතැම් ප්රදේශවල වැසි සමයේ කිලෝමීටර් ගණන් මාර්ග ඉදිකිරීම ජනතාව රැවටීමේ උපක්රමයක් බව පෙන්වා දුන් විපක්ෂ නායකවරයා, එවැනි මාර්ග ඉක්මනින් විනාශ වන බව පාලකයන් නොදන්නේදැයි ප්රශ්න කළේය.
“33% කින් විදුලි බිල අඩු කරන බවට පොරොන්දු වූ රජය දැන් එය වැඩි කිරීමට සූදානම් වෙයි. රාජ්ය සේවකයන් ආරක්ෂා කරන බව කියා සේවකයන් නිවෙස් කරා යැවීම ද අසාධාරණ ක්රියාවකි,”
යැයි ඔහු සඳහන් කළේය.
මත්ද්රව්ය ජාවාරම්කරුවන්ට එරෙහිව රජය ගන්නා ක්රියාමාර්ග අගය කරන නමුත්, රතු ලේබල් ගැසූ කන්ටේනර් 323ක් නිදහස් වීම පිළිබඳව නිසි විමර්ශනයක් නොවීම බරපතල ගැටළුවක් බවද ඔහු අවධාරණය කළාය. ඒවායේ අඩංගු වූ භාණ්ඩ පිළිබඳව ජනතාව අතර දැඩි සැකයක් පවතින බවද ඔහු පෙන්වා දුන්නේය.
සජිත් ප්රේමදාස මහතා වැඩිදුරටත් පැවසුවේ,
“‘අස්වැසුම’ වැඩසටහන නතර කිරීමට නියමිත බව දැනෙයි. එය දිළිඳුකමට විසඳුමක් නොවෙයි. පාරිභෝජනය පමණක් ඉලක්ක කරගත් වැඩසටහන් තිරසාර සංවර්ධනයක් ලබා දිය නොහැක,”
යැයිය.
රටේ දළ දේශීය නිෂ්පාදනයෙන් අඩක් දායක වන කුඩා හා මධ්ය පරිමාණ ව්යවසායකයන් ද අද අසරණ තත්ත්වයක සිටින බවද, රජය ජනතාවගේ ගැටලු විසඳීමට වෙනුවට මාධ්ය සංදර්ශන මගින් දේශපාලන ස්ථාවරත්වය රැක ගැනීමට උත්සාහ කරමින් සිටින බවද ඔහු කියා සිටියේය.
පැහැදිලි ජාතික සැලැස්මක් නොමැතිව වසරක් ගතවූ අතර, මානව හා ස්වභාවික සම්පත් විනාශවෙමින් පවතින විට ජනතාවගේ ගැටලු නොවිසඳීම රටට විපත් බවද ඔහු අවධාරණය කළාය.
ඔහු අවසන් වශයෙන් පවසුවේ,
“එළැඹෙන පළාත් සභා මැතිවරණයේදී සමගි ජන බලවේගයට බලය ලබා දුනහොත්, සැබෑ සංවර්ධනයක් ඇති කිරීමට අපි හැකිවෙමු,”
යැයිය.
මෙම අදහස් ඔහු පළ කළේ “ගමින් ගමට – දොරින් දොරට” ජංගම සේවා සහ සමගි ජන බලවේග සාමාජික ප්රවර්ධන වැඩසටහනකට එක්වෙමිනි. දිවයිනේ ග්රාම සේවා වසම් 14,021ක් සහ ගම්මාන 50,964ක් ආවරණය වන පරිදි මෙම වැඩසටහන මොරටුමුල්ල ප්රදේශයෙන් ආරම්භ කර ඇත.