දේශීය පුවත්
කොළඹ ජාත්යන්තර පොත් ප්රදර්ශනය නරඹන්න ලක්ෂ 15ක පිරිසක්
ශ්රී ලංකා පොත් ප්රකාශකයන්ගේ සංගමය සංවිධානය කළ 26 වන කොළඹ ජාත්යන්තර පොත් ප්රදර්ශනය නරඹා තිබෙන්නේ ලක්ෂ 15කට ආසන්න පිරිසක් බව එම සංගමයේ සභාපති දිනේෂ් කුලතුංග මහතා පවසයි.
ඔහු සඳහන් කළේ ඊයේ (05) දිනය වන විට ලක්ෂ 13ක පමණ පිරිසක් ප්රදර්ශනය නරඹා ඇති බවත්, අවසන් දිනය වන අද (06) දින ද ලක්ෂ දෙකක පමණ ජනතාවක් සහභාගී වනු ඇතැයි අපේක්ෂා කරන බවත්ය.
එම අනුව, මෙවර ප්රදර්ශනය නරඹා ඇති මුළු සංඛ්යාව ලක්ෂ 15ක් පමණ වනු ඇති බව ද ඔහු පැවසීය.
සභාපති දිනේෂ් කුලතුංග මහතා වැඩිදුරටත් පැවසුවේ, එක් දිනයකදී හැර අනෙකුත් දිනවල යහපත් කාලගුණික තත්ත්වයක් පැවති නිසා මෙවර ප්රදර්ශනය විශාල සාර්ථකත්වයකට පත් වූ බවය.
එමෙන්ම, ග්රන්ථ කිහිපයක් ඉහළම අලෙවි වාර්තා පිහිටුවීමත්, මෙරට පොත් ප්රකාශන කර්මාන්තයේ අනාගතය සඳහා දැවැන්ත දායකත්වයක් විය හැකි බවත් ඔහු ප්රකාශ කළේය.
ඔහු තවදුරටත් පැවසුවේ,
“මෙවර ජනතාව අතර පොත් මිලදී ගැනීමේ උනන්දුව විශාල ලෙස වැඩිවූ බවත්, පාඨකයන්ගෙන් ප්රදර්ශන කාලය දීර්ඝ කිරීමට ඉල්ලීම් ලැබුණත් ප්රායෝගික ගැටලු හේතුවෙන් එය කළ නොහැකි වූ බවත්”ය.
අවසන් වශයෙන් ඔහු සියලු පාඨකයන්ගෙන් ඉල්ලා සිටියේ,
“සාහිත්ය මාසයට පමණක් නොව, වසර පුරාම පොතට ඇති ආදරය සහ උනන්දුව පවත්වාගෙන යන්න” යැයිය.