දේශීය පුවත්
අයිස් මත්ද්රව්ය භාවිතයට ඇබ්බැහි වූ සැමියෙකු විසින් තම බිරිඳට ගිනි තබා ඝාතනය කරයි.
වැල්ලම්පිටිය ලයිසන්පොළ ප්රදේශයේදී, අයිස් මත්ද්රව්ය භාවිතයට ඇබ්බැහි වූ සැමියෙකු විසින් තම බිරිඳට ගිනි තැබීමෙන් ඝාතනය කිරීමක් සිදුව තිබේ.
ඝාතනයට ලක්වූයේ තුෂාරි නමින් හැඳින්වෙන, 29 හැවිරිදි විවාහක කාන්තාවක් වන අතර, ඇය ටික්ටොක් සහ සමාජ මාධ්ය ජාලවල ජනප්රිය චරිතයක් ලෙසද හඳුනාගෙන තිබුණි.
පොලිස් පරීක්ෂණ අනුව, සැකකරු පෙට්රල් බෝතලයක් රැගෙන නිවසට ඇතුළුවී බිරිඳගේ හිසට ගැලවීමෙන් පසු ගිනි තැබූ බව හෙළිව තිබේ. මෙය සිදුකරනට පෙර ඔහු නිවසේ ජල නළ පද්ධතිය විසන්ධි කර තිබීම, ගින්නෙන් බේරීම අසීරු කිරීමට වූ සැලසුමක් ලෙස සැලකේ.
අනතුරට පසු සැකකරු තම සිව් හැවිරිදි දරුවා වහල මත තබා පලා ගොස් ඇති අතර, දරුවා මේ වනවිට ආරක්ෂිතව පවුලේ භාරයට ගෙන ඇති බව පොලිසිය පවසයි.
පරීක්ෂණවලදී හෙළිවූයේ, සැකකරු දිගු කාලයක් පුරා මත්ද්රව්ය හා මත්පැන් භාවිතයට ඇබ්බැහි වී සිටි බවත්, එම නිසා යුවල අතර නිරන්තර මතභේද පැවති බවත්ය. කාන්තාව මෙම පීඩනය හේතුවෙන් දික්කසාද නඩුවක් පවරා තිබූ අතර, ඇය මීට පෙර පොලිසියට පැමිණිලි කිහිපයක්ද ඉදිරිපත් කර තිබුණි.
ප්රදේශවාසීන් පවසන පරිදි, මෙම අවාසනාවන්ත සිද්ධියට මත්ද්රව්ය භාවිතය හා ගෘහස්ථ ප්රචණ්ඩත්වය බලපා ඇත. පොලිසිය විසින් සැකකරු අත්අඩංගුවට ගෙන ඇති අතර, වැල්ලම්පිටිය පොලිසිය වැඩිදුර පරීක්ෂණ පවත්වයි.