දේශීය පුවත්
කළුතර බන්ධනාගාර ජේලර්වරයෙකු අත්අඩංගුවට
කළුතර බන්ධනාගාරයේ රඳවා සිටින රැඳවියෙකුට මත්ද්රව්ය සහ ජංගම දුරකථන ලබාදීමට කාන්තාවකට ආධාර කළ බවට සැකපිට බන්ධනාගාර ජේලර්වරයෙකු කළුතර උතුර පොලීසිය විසින් අත්අඩංගුවට ගෙන ඇත.
පොලීසිය සඳහන් කළේ වස්කඩුව ප්රදේශයේ පදිංචි 53 හැවිරිදි එම ජේලර්වරයා, පසුගිය දිනක පානදුර හිරණ ප්රදේශයේ කාන්තාවකට මත්ද්රව්ය සහ ජංගම දුරකථනයක් රැඳවියෙකුට ලබාදීම සඳහා ආධාර කළ බවයි.
එම කාන්තාව අත්අඩංගුවට ගත් පසු ප්රශ්න කිරීමේදී, සැකකරු ජේලර්වරයා විසින් රුපියල් 35,000ක මුදලක් ලබාගෙන මෙම කටයුතු සඳහා සහාය දුන් බව හෙළි වී ඇත. සැකකරු ජේලර්වරයා කළුතර මහෙස්ත්රාත් අධිකරණයට ඉදිරිපත් කිරීමට නියමිත අතර, කළුතර උතුර පොලීසිය විසින් වැඩිදුර පරීක්ෂණ ක්රියාත්මක කරයි.