දේශීය පුවත්
දේශපාලනඥයන් 28කගේ වත්කම් ගැන විශේෂ විමර්ශනයක්
වත්මන් පාර්ලිමේන්තු මන්ත්රීවරුන් හා පැවැති ආණ්ඩුවේ ප්රබල අමාත්යවරුන් ඇතුළු දේශපාලනඥයින් 28 දෙනෙකුගේ වත්කම් පිළිබඳව නීතිවිරෝධී වත්කම් විමර්ශන කොට්ඨාසය මඟින් විමර්ශනයක් ආරම්භ කර තිබෙනවා.
එම පුද්ගලයන් අයථා ලෙස ඉපැයූ බව කියන මුදල් යොදවා අදාළ දේපොළ මිලදී ගෙන ඇති බවට ලද පැමිණිලිවලට අදාළ අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසය විසින් මෙම විමර්ශන ආරම්භ කර ඇති බව සඳහන්.
මේ අනුව නාමල් රාජපක්ෂ, මහින්ද යාපා අබේවර්ධන, මහින්ද අමරවීර, චාමර සම්පත් දසනායක, රෝහිත අබේගුණවර්ධන, පවිත්රා වන්නිආරච්චි, කංචන විජේසේකර, සාගල රත්නායක, ජානක තිසකුට්ටි ආරච්චි, වජිර අබේවර්ධන, මහීපාල හේරත්, අනුර ප්රියදර්ශන යාපා, මනූෂ නානායක්කාර, වඩිවේල් සුරේෂ්, තුෂාර සංජීව පතිරණ, හර්ෂණ රාජකරුණා, ශානක්ය රාසමානික්යම්, ශිවනේසතුරෙයි චන්ද්රකාන්තන් හෙවත් පිල්ලෙයාන් හා ශාන්ත අබේසේකර යන අයගේ නම් අදාළ විමර්ශනයේ ඇතුළත්ව තිබෙනවා.
ඔවුන් ඉදිරි දිනවලදී අදාළ ඒකකයට ගෙන්වා ප්රකාශ සටහන් කර ගැනීමට නියමිතයි.
මේ අතර හිටපු ආරක්ෂක මාණ්ඩලික ප්රධානී ජෙනරාල් ශවේන්ද්ර සිල්වා මහතාගේ දේපළ පිළිබඳව නීති විරෝධී වත්කම් විමර්ශන කොට්ඨාසය මඟින් විමර්ශනයක් ආරම්භ කර ඇති බව වාර්තා වනවා.
උසස් නිලධාරියෙකු වැඩිදුරටත් කියා සිටියේ මෙම විමර්ශනයේදී යම්කිසිවෙකු අයථා ලෙස මුදල් උපයාගෙන ඇති දේපළ මිලදීගෙන ඇති බවට හෙළි වුවහොත්, ඒවා පවරාගෙන අවශ්ය අධිකරණ ක්රියාමාර්ග ගන්නා බවයි.