දේශීය පුවත්
ගාල්ල නාගොඩදී පෑනක් ලෙස සැගවූ ගිනිඅවියක් සමඟ තරුණයෙකු අත්අඩංගුවට
ගාල්ල නාගොඩ පොලිසියට ලැබුණු බුද්ධි තොරතුරක් මත සිදුකළ විශේෂ වැටලීමකදී, විදේශීය නිෂ්පාදිත පෑනක හැඩයෙන් සැගවූ ගිනිඅවියක් සහ උණ්ඩ කිහිපයක් සමඟ තරුණයෙකු අත්අඩංගුවට ගැනීමට හැකිවී ඇත.
මෙම වැටලීම නාගොඩ, අළුත්තානායම්ගොඩ ප්රදේශයේදී සිදුකරන ලද්දේ නාගොඩ පොලිස් නිලධාරීන් විසිනි.
පොලිසිය පවසන්නේ, සැකකරු සන්තකයේ සිටි ගිනිඅවිය විදේශයේ නිෂ්පාදිත අර්ධ ස්වයංක්රීය පෑනක් ආකාරයේ අවි වර්ගයක් බවයි. එමඟින් එක් උණ්ඩයක් පමණක් යෙදිය හැකි අතර, අවිවලට භාවිත කළ උණ්ඩ දෙකක් සහ භාවිතයෙන් පසු ඉතිරි වූ පතොරොම් කොපු පහක් ද පොලිස් භාරයට ගෙන ඇත.
අත්අඩංගුවට පත්ව ඇත්තේ මාපලගම ප්රදේශයේ පදිංචි 23 හැවිරිදි තරුණයෙකි.
නාගොඩ පොලීසිය මෙම ගිනිඅවිය රටට ගෙන්වීමේදී, එය අයත් වූ මූලාශ්රය සහ අවි තවත් අයුරින් භාවිතා වී ඇත්ද යන්න පිළිබඳව වැඩිදුර විමර්ශන ආරම්භ කර ඇත.
පොලිස් ආරංචි මාර්ග සඳහන් කළේ, මෙම අවිය පෑනක් ලෙස හැඩගස්වා තිබීම නිසා එය හඳුනා ගැනීම අතිශය අපහසු වූ බවත්, මෙය අතිශය අනතුරුදායක බවත්ය.