දේශීය පුවත්
හිටපු රාජ්ය ඉංජිනේරු සංස්ථා විධායක අධ්යක්ෂ නිලු දිල්හාර විජේදාස අත්අඩංගුවට
ශ්රී ලංකා අල්ලස් විරෝධී කොමිසම විසින් අත්අඩංගුවට ගත් නිලු දිල්හාර විජේදාස මහතා, 2019 වසරේ එක්සත් ජාතික පක්ෂයේ සිරිකොත මූලස්ථානය අලුත්වැඩියා කිරීමේදී රාජ්ය ඉංජිනේරු සංස්ථාවේ සේවකයින් හා දේපළ යොදා රජයට රුපියල් මිලියන 1.6කට අධික පාඩුවක් සිදුකර ඇති බවට චෝදනා ලැබී ඇත.
අත්අඩංගුවට ගෙන ඇති විජේදාස මහතා අල්ලස් හෝ දූෂණ චෝදනා විමර්ශන සභාවේ විමර්ශන නිලධාරීන් විසින් අද (16) පෙ.ව. 11.00ට අත්අඩංගුවට ගෙන ඇති අතර, ඔහු කොළඹ ප්රධාන මහේස්ත්රාත් අධිකරණයට ඉදිරිපත් කිරීමෙන් පසු කොළඹ ප්රධාන මහේස්ත්රාත් අසංක එස් බෝදරගම මහතා විසින්, සැකකරුට රුපියල් ලක්ෂ 10 බැගින් වූ ශරීර ඇප දෙකක්, විදේශ ගමන් තහනමක්, සහ සාක්ෂිකරුවන්ට බලපෑම් නොකිරීමේ කොන්දේසි පනවා ඇති අතර, නඩු පැමිණිල්ල 2025 දෙසැම්බර් 9 වනදා නැවත කැඳවීමට නියම කර ඇත.