දේශීය පුවත්
අයිස් හදන්න සම්පත් ළඟ තබා ගත් සම්පත් ගැන පොහොට්ටුව තීන්දුවක් ගනී
මත්ද්රව්ය නිෂ්පාදනයට යොදා ගන්නා අමුද්රව්ය තබා ගැනීම සම්බන්ධව චෝදනාවට ලක්ව සිටින සම්පත් මනම්පේරිගේ පක්ෂ සාමාජිකත්වය තහනම් කළ බව ශ්රී ලංකා පොදුජන පෙරමුණ පවසනවා.
එහි මහලේකම් සාගර කාරියවසම් මහතා නිවේදනයක් නිකුත් කරමින් මේ බව සඳහන් කර තිබෙනවා.
එම නිවේදනය පහතින්,
“අප පක්ෂයේ සාමාජිකයකුව සිටි අඟුණකොළපැලැස්ස තලාව පදිංචිව සිටි සම්පත් මනම්පේරි යන පුද්ගලයාට එරෙහිව මත්ද්රව්ය නිෂ්පාදනයට යොදාගන්නා අමුද්රව්ය තබා ගැනීමක් සම්බන්ධයෙන් චෝදනාවක් ඉදිරිපත්වී ඇත.අප පක්ෂය කිසි විටෙකත් මෙවැනි චෝදනාවන්ට පත්වන්නන් හට කිසිදු ලිහිල් ප්රතිපත්තියක් අනුගමනය නොකරන අතර ඒ අනුව වහාම ක්රියාත්මකවන පරිදි ඔහුගේ පක්ෂ සාමාජිකත්වය තහනම් කරන ලදී.
එසේ වුවද ඔහුට එරෙහිව නගා ඇති චෝදනාව ඉතා බරපතළ ගණයේ චෝදනාවක් වන අතර මේ සම්බන්ධයෙන් ඔහුට එරෙහිව ඇති චෝදනාවට අදාල පරීක්ෂණ ඉතා ඉක්මනින් අවසන් කොට ජනතාවට සත්ය තත්වය හෙලිදරව් කිරීමට කටයුතු කරනු ඇතැයි පක්ෂයක් ලෙස අපි බලාපොරොත්තු වෙමු.”
මේ අතර අයිස් මත්ද්රව්ය නිෂ්පාදනයට භාවිත කරන රසායනික ද්රව්ය කිලෝග්රෑම් 50,000ක පමණ ප්රමාණයක් මිද්දෙණිය, තලාව ප්රදේශයේ නිවසක වළදමා තිබියදී සොයාගැනීමේ සිද්ධිය සම්බන්ධයෙන් ශ්රී ලංකා පොදුජන පෙරමුණේ හිටපු ප්රාදේශීය සභා සභිකයෙකු වන පියල් මනම්පේරි අත්අඩංගුවට ගෙන තිබෙනවා.