දේශීය පුවත්
හෙට විශේෂ පාර්ලිමේන්තු රැස්වීමක්
විශේෂ පාර්ලිමේන්තු රැස්වීම් දිනයක් ලෙස හෙට (30) දිනයේ පාර්ලිමේන්තු රැස්වීමට නියමිතව තිබෙනවා.
කථානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් හෙට (30) පෙරවරු 9.30ට පාර්ලිමේන්තුව රැස්වීමට නියමිතයි.
පාර්ලිමේන්තු මහලේකම් කුෂාණි රෝහණදීර මහත්මිය පැවසුවේ 024 අංක 44 දරන රාජ්‍ය මූල්‍ය කළමනාකරණ පනතේ 11 වැනි වගන්තිය ප්‍රකාරව එක් එක් වර්ෂයේ ජූනි 30 හෝ එදිනට පෙර ආණ්ඩුව විසින් මූල්‍ය ක්‍රමෝපාය ප්‍රකාශයක් නිවේදනය කිරීමේ අවශ්‍යතාවය සම්පූර්ණ කිරීම සඳහා පාර්ලිමේන්තුව මෙලෙස රැස්වීමට නියමිත බවයි.
පාර්ලිමේන්තු ස්ථාවර නියෝග 16 ප්‍රකාරව අග්‍රාමාත්‍යවරිය විසින් කරනු ලබන ඉල්ලීමක් මත කථානායකවරයා විසින් මෙලෙස පාර්ලිමේන්තුව හෙට (30) දිනයේ කැඳවා තිබෙනවා.
මේ අනුව ඊට අදාළව ආණ්ඩුව විසින් ගෙන එනු ලබන සභාව කල් තැබීමේ විවාදය හෙට (30) පස්වරු 4.30 දක්වා පැවැත්වීමට නියමිතයි.
ඊට අමතරව පාර්ලිමේන්තුව නැවත ජූලි මාසයේ 8, 9 සහ 11 යන දිනවල රැස්වීමට නියමිත බව පාර්ලිමේන්තු මහලේකම් කාර්යාලය සඳහන් කළා.