දේශීය පුවත්
ශ්රී ලංකාවේ සංවර්ධනයට සහාය දැක්වීමට චීනය සූදානම් – ජනාධිපති ෂී ජින්පිං
ශ්රී ලංකාවේ ආර්ථික සහ සමාජීය සංවර්ධනයට සහාය දැක්වීම චීනයේ අපේක්ෂාවක් බව චීන ජනාධිපති ෂී ජින්පිං මහතා පවසයි.
අද (14) බෙයිජිංහි මහජන මහා ශාලාවේ දී ශ්රී ලංකා අග්රාමාත්ය ආචාර්ය හරිනි අමරසූරිය මෙනවිය හමුවූ අවස්ථාවේදී චීන ජනපතිවරයා මේ බව ප්රකාශ කළේය.
ජනාධිපති ෂී ජින්පිං මහතා පැවසූයේ, චීනය හා ශ්රී ලංකාව අතර පවතින සාම්ප්රදායික මිත්රත්වය සාම සහජීවන පංචශීලී ප්රතිපත්තිය මත පදනම් වූ, දිගු ඉතිහාසයකට හිමි සබඳතාවක් බවයි.
චීනය ශ්රී ලංකාව සමඟ එක්ව “එක් තීරයක් – එක් මාවතක්” වැඩපිළිවෙළ යටතේ වරාය ආර්ථිකය, නවීන කෘෂිකර්මාන්තය, ඩිජිටල් හා හරිත ආර්ථිකය සහ සංචාරක ක්ෂේත්රය ඇතුළු ප්රදේශවල සහයෝගිතාව තවදුරටත් ශක්තිමත් කිරීමට සූදානම් බවද ඒ මහතා අවධාරණය කළේය.
එමඟින් ශ්රී ලංකාවේ ආර්ථික හා සමාජීය සංවර්ධනයට බලවත් පිටුබලයක් සැපයීම චීනයේ අපේක්ෂාව බවත්, නීති ප්රබල කිරීම සහ අන්තර්ජාතික විදුලි සන්දේශ අපරාධ මර්දනය ආදියෙහි ද එක්ව කටයුතු කිරීමට කැමැත්තෙන් සිටින බවත් ඔහු සඳහන් කළේය.
මේ අතර, අග්රාමාත්ය ආචාර්ය හරිනි අමරසූරිය මෙනවිය පැවසූයේ, කාන්තාවන් පිළිබඳ ගෝලීය නායක සමුළුවේදී ෂී ජින්පිං මහතා ඉදිරිපත් කළ ප්රකාශය ගැඹුරු අර්ථවත් එකක් වන අතර, ලෝක කාන්තා ව්යායාමය ප්රවර්ධනය සඳහා චීනය ලබාදුන් දායකත්වය සතුටින් පිළිගන්නා බවයි.
ඇය තවත් පවසූයේ, ශ්රී ලංකාව “එකම චීනය” ප්රතිපත්තිය දැඩි ලෙස අනුගමනය කරන බවත්, ‘එක් තීරයක් – එක් මාවතක්’ වැඩපිළිවෙළ ඉහළ ගුණාත්මකභාවයකින් ඉදිරියට ගෙන යාමට සහයෝගීතාව පළ කරන බවත්ය.
ඇය අවසන් වශයෙන් අවධාරණය කළේ, චීන නවීකරණ අත්දැකීම් අධ්යයනය කරමින් සහයෝගිතාව තවදුරටත් පුළුල් කිරීම මඟින් ශ්රී ලංකාවට නව සංවර්ධන යුගයක් ආරම්භ කළ හැකි බවය.