දේශීය පුවත්
මුදල් අමාත්යාංශයේ නව ලේකම් පත්කරයි
හිටපු නියෝජ්ය අමාත්ය ආචාර්ය හර්ෂණ සුරියප්පෙරුම මහතා මුදල් අමාත්යාංශයේ නව ලේකම්වරයා ලෙස පත්කර තිබෙනවා.
නිවේදනයක් නිකුත් කරමින් ජනාධිපති මාධ්ය ඒකකය මේ බව සඳහන් කරනවා.
මුදල් අමාත්යාංශයේ ලේකම්වරයා සිටි මහින්ද සිරිවර්ධන මහතා පසුගියදා එම ධුරයට සමුදුන් අතර ඔහු ආසියානු සංවර්ධන බැංකුවේ (ADB) විකල්ප විධායක අධ්යක්ෂවරයෙකු ලෙස වැඩ භාර ගැනීමට නියමිතයි.
ජාතික ජන බලවේගයේ ජාතික ලැයිස්තු පාර්ලිමේන්තු මන්ත්රීවරයෙකු වූ ආචාර්ය හර්ෂණ සුරියප්පෙරුම මහතා වත්මන් රජයේ මුදල් සහ ක්රම සම්පාදන නියෝජ්ය අමාත්යවරයා ලෙස කටයුතු කළා.
මහින්ද සිරිවර්ධන මහතාගේ විශ්රාම යෑමෙන් පුරප්පාඩු වූ මුදල් අමාත්යාංශයේ ලේකම් ධූරය පිරවීම වෙනුවෙන් සුරියප්පෙරුම මහතා පසුගිය සතියේ දී සිය පාර්ලිමේන්තු මන්ත්රී ධුරයෙන් ඉල්ලා අස්වී තිබුණා.