උණුසුම් පුවත්
දසුන් ශානකගේ නායකත්වයෙන් යුත් ශ්‍රී ලංකා ලෝක කුසලාන සංචිතය අමාත්‍යවරයාගේ අනුමැතියට යොමු කෙරේ.
අද (20) උදෑසන ශ්‍රී ලංකා ක්‍රිකට් ආයතනයේදී ක්‍රිකට් බලධාරීන් සහ තේරීම් කමිටු සාමාජිකයින් අතර හමුවක් පැවැත්වුණි. එළඹෙන ලෝක කුසලාන ක්‍රිකට් තරගාවලියේ ශ්‍රී ලංකා සංචිතය නම් කිරීම පිළිබඳ සාකච්ඡාවක් එහිදී සිදුව ඇතැයි වාර්තා වේ. මෙම හමුවට තේරීම් කමිටු සභාපතිවරයා ඇතුළු ශ්‍රී ලංකා ක්‍රිකට් බලධාරීන් සහභාගී වී ඇති අතර පැය තුනකට ආසන්න කාලයක් පැවති සාකච්ඡා වලින් අනතුරුව තේරීම් කමිටු සාමාජිකයින් පිටව ගොස් ඇත.
මෙහිදී ශ්‍රී ලංකා ක්‍රිකට් ආයතනයේ ඉහළ බලධාරියෙකු විසින් සඳහන් කර ඇත්තේ දසුන් ශානකගේ නායකත්වයෙන් යුත් ශ්‍රී ලංකා ලෝක කුසලාන සංචිතය ක්‍රීඩා අමාත්‍යවරයාගේ අනුමැතිය සඳහා යොමු කොට ඇති බවය.